Гісторыя кангрэгацыі
Кангрэгацыю Найсвяцейшага Адкупіцеля (па латыні Congregatio Sanctissimi Redemptoris, скарочана CSsR), або Кангрэгацыю рэдэмптарыстаў заснаваў св. Альфонс Марыя дэ Лігуоры (1696-1787), Настаўнік Касцёла. Гэта ён, бачачы бедных духам людзей, 9 лістапада 1732 года на поўдні Італіі, у мясцовасці Скала, заснаваў місіянерскую супольнасць, якая прыняўшы заклік Святога Духу, аддалася Хрысту, каб прапаведаваць Евангелле сярод бедных і найбольш занядбаных рэлігійна. Св. Альфонс жадаў, каб яго браты неслі Евангелля усім людзям а асабліва убогім. Ён быў перакананы, што кангрэгацыя пад заступніцтвам Найсвяцейшай Панны Марыі будзе дбайна працаваць у справе набыцця ўсяго міру для Хрыста. Для дасягнення гэтай мэты заснавальнік распрацаваў спецыяльную праграму парафіяльных місій. Новая рэлігійная супольнасць, нягледзячы на цяжкасці ў Неапалі, хутка расла. Развіццё рэдэмптарыстаў у Еўропе звязана з асобай св. Клеменса Хофбаўера, які заснаваў інстытуты рэдэмптарыстаў у тым ліку ў Варшаве і Вене. У 1832 рэдэмптарысты прыехлі ў ЗША, дзе працаваў Святы Ян Нойман. У цяперашні час амаль 5500 рэдэмптарыстаў з 40 правінцый, працуюць ў 78 краінах. Пасьля 1989 году калі адкрылася магчымасць евангелізацыі ў краінах былога Савецкага Саюза, рэдэмптарысты пачалі працваць у Беларусі, Казахстане, Расіі, і на Украіне.
Герб Кангрэгацыі
Герб Кангрэгацыі заснаваны на незвычайнай з’яве, якая назіралася ў Скала ў восень 1732 года. Падчас выстаўлення Найсвяцейшага Сакраманту святары, манахі а бачылі ў Св. Камуніі крыж на трох узгорках і прылады Мукі Хрыстах. Св. Альфонс дэ Лігуоры з паплечнікамі таксама бачыў гэта. Канчатковы варыянт герба з дэвізам «Шматлікае ў Яго адкупленне» (Copiosa apud Eum redemptio) зацвердзіўся да 1747 году, аб чым сведчаць акты Генеральнага Капітула Кангрэгацыі, які адбыўся ў той год у Чэрані.
